Sanisidro jaiak ospatuko dituzte Getariako Meaga auzoan bihar eta asteburuan. Festetako egun handia bihar izango da, eta 11:00etan botako duten txupinazoarekin eta banderaren igoerarekin ekingo zaio jaiari. 11:30ean meza eta prozesioa egingo dira, eta, ondoren, auzoko adinekoak omenduko dituzte: Inaxi Zulaika eta Joxe Mari Esnal. Segidan, txakolina eta txerriki errea izango dira, eta, 14:00etan, auzoko adinekoen bazkaria egingo dute Azkuen. Egunarekin amaitzeko, berriz, Izer eta Alabierrekin erromeria izango da, 23:00etatik aurrera.
Asteburuan jarraituko dute sanisidro festek, eta hau izango da ostiralerako, larunbaterako eta iganderako prestatu duten egitaraua:
Maiatzak 17, ostirala
- 21:00. Bertso afaria, Artelatz elkartean. Bertsolariak: Julio Soto eta Amets Arzallus.
- Ondoren, gazteen eskutik musika eta festa.
Maiatzak 18, larunbata
- 17:00. Ume jolasak, puzgarriak eta gozokiak.
- 17:30. Toka txapelketa egingo dute.
- 21:00. Gazte eta helduen afaria, Azkuen.
- 23:00. Ansorregi eta Larrañagarekin erromeria.
- Goizaldera, txokolate beroa.
Maiatzak 19, igandea
- 12:00. Patata tortilla lehiaketa. 12:00etatik 12:30era eraman behar dira tortillak, etxean eginda. Erabakia, meza ondoren.
- 12:30. Meza.
- 13:30. Joxe Felix Zubizarretak motozerrarekin erakustaldia.
- Jarraian, sagardoa eta txerriki errea.
- 17:30. Mus txapelketa irekia, Artelatz elkartean.