Antxoa Egunaren bueltan, ekitaldi ugari izan da Getarian ostiraletik aurrera. Gaur goizean goizetik hasi dira ospakizunak: Gazte Alaiak txistulari taldearen dianak alaitu ditu kaleak, eta ondoren, Getariako Salbatore Deuna Abesbatzak abestuta arrantzaleen meza izan da. Karmengo Amabirjinaren prozesioa egin dute jarraian Artzaperaino, eta arrantzaleak zein lehorrean geratutako senide eta lagunak izan dituzte gogoan. Dantzari Txiki Eguna ere ospatu dute, eta Lezoko, Zarauzko eta Getariako dantzariak batu dira.