San Prudentzioko Lagunak antolatuta, datorren larunbatean, martxoaren 23an, Bazterretik Bazterrera Jaialdia ospatuko da San Prudentzioko elizan. Bi ekitaldi nagusi izango dira egun horretan: Emak Bakia Baita filmaren emanaldia 17:00etan, eta Ruper Ordorikaren kontzertua, 21:00etan. Bietako sarrerak, ordea, agortuta daude. Filmaren ondoren, Oskar Alegria zinemagilarekin solasaldia izango da, eta jarraian, afari merienda ere egongo da.
Dagoeneko, amaitu dira jaialdirako sarrera guztiak.
Oharra: HITZAren papereko edizioan oker argitaratu da sarreren salmenta eguna. Gaur salduko zirela zioen, baina aurreko astean jarri zituzten salgai.