Garapen bidean dauden herriekin lan egiten duten taldeen alde diru laguntzak banatzeko deialdia egin du Getariako Udalak

2017ko martxoan udalbatzarrean onartu zuen udalak Getariako 2017-2019 Diru-laguntzen plan estrategikoa. Garapen bidean dauden herriekin lan egiten duten talde eta gobernuz kanpoko erakundeen alde 2018 ekitaldirako diru laguntzak banatzeko deialdia egin du udalak hil honen hasieran. Hain justu, 13.510 euroko kopurua ezarri dute garapen bidean dauden herriekin lan egiten duten herriko talde, pertsona eta erakundeentzat. Gipuzkoan bertan delegazioa duten gobernuz kanpoko erakundeei, aldiz, 5.790 euro banatuko dizkiete.