Salbatore jaietako futbito txiki txapelketan izena eman daiteke jada

Uztailaren 28an jokatuko dute VII. Futbito txiki txapelketa Getarian. Hain justu, Salbatore jaien barruan antolatzen dute urtero etxeko txikienak futbolean aritzeko sariketa. Goizeko 9:00etan hasiko dituzte partidak herriko frontoian, eta adinaren araberako lau txandetan jokatuko dute. Lehenengoan jokatuko dute 1. eta 2. mailakoek, bigarrenean 3. eta 4. mailakoek, hirugarren txandan aterako dira kantxara 5. eta 6. mailakoak, eta azkenik, DBH1ekoak eta DBH2 mailakoak jokatuko dute. Gutxienez, taldea 5 jokalarik osatu beharko dutela zehaztu dute antolatzaileek. Turismo bulegoan eman daiteke izena, uztailaren 24a baino lehen.