Getariako Udalak eta Eskubide Sozialen Kartak energia berriztagarrien inguruko hitzaldia antolatu dute biharko (asteartea). Iratxe Arriola EAko alkatea eta Oihan Mendo Garesko alkatea izango dira bertan, hain justu, udalek energia berriztagarrien alde egindako apustuaz hizketan. Bi herri hauetako udaletxeak hainbat kontratu eginak dituzte energia berriztagarria darabilten Goiener eta Energia Gara kooperatibekin. Arratsaldeko 19:00etan elkartuko dira, Getariako Alondegian.
Lehenago ere heldu diote gaiari Eskubide Sozialen Kartako kideek. Esate baterako, Goiener kooperatiba ezagutarazteko hitzaldia, etxean energia aurrezteko gakoak eman zituen tailerra... Orain, administrazioak %100 "energia berriztagarriz hornitu daitezkeela ezagutzeko" antolatu dute hitzaldia.