Maddi Zubeldiaren 'Deserria haurtzaro' eta Uxue Alberdiren 'Jenisjoplin' eleberriaren artean, bigarrena saritu dute Euskal Herriko literaturzaleen bilguneko kideek.
Gorka Arrese Susako editorea eta Uxue Alberdi idazlea. (Susa)
111 Akademiako kideek aukeratu dute aurtengo eleberri saritua: Uxue Alberdik idatzitako eta Susak argitaletxeak plazaratutako 'Jenisjoplin' eleberria izan da aurtengoan onena, literaturzaleen iritziz. Hiru bozketa txanda izan ditu aukeraketa prozesuak: bigarren bueltan saridun izendatzeko beharrezkoa den botoen % 40a lortu zuen lanik ez zen izan, eta beraz, boto gehien jaso dituzten bi obrak pasa ziren finalera: Maddi Zubeldiaren Deserria haurtzaro eta Uxue Alberdiren Jenisjoplin. Apirilaren 8an amaitu zen azken txanda, eta Alberdiren eleberria izango da saritua. Maiatzaren 10ean egingo dute antolatzaileek sariak banatzeko ekitaldia, Andoainen.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide