Igandean, martxoaren 18an, emango diote amaiera urrian hasi zen txapelketari. 35 pilotarik hartu dute parte kategoria ezberdinetan.
Datorren igandean, martxoaren 18an, Gure Txeruren banakako pilota txapelketaren finalak jokatuko dira 12:00etatik aurrera herriko frontoian.
Txikienen kategorian, Jurgi Balentziagaren eta Lukas Fleishmannen artean izango da norgehiagoka. Ganix Aranguren eta Xabier Salegi izango dira aurkari benjaminen mailan. Alebinen B taldean, Aimar Zulaikak eta Oier Zubizarretak lotu dute finalera iristea. Aner Gonzalez eta Manex Alvarez aldiz, Alebinen A mailan ariko dira elkarren aurka.
Urrian hasi zuten txapelketa, eta 35 pilotarik hartu dute parte kategoria ezberdinetan. Uztailera bitarte, binakako txapelketa jokatuko dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide