Joan den astelehenetik eta martxoaren 24ra bitartean Cristobal Balenciaga Museoa itxita egongo da, museoak jakinarazi duenez, erakusketa aldaketagatik.
Getariako Cristobal Balenciaga Museoa. (Aiora Larrañaga/Hitza)
Balenciaga. Moda eta ondarea erakusketa da museoa itxita dagoen bitarte honetan ipiniko dutena. Museoak azaldu duenez, erakusketak ibilbide diakroniko bat proposatzen du: "Cristobal Balentziaga jostunaren lanaren eboluzioa erakusten du etapaz etapa. Hala, erreferentziazko erakusketa bat izan nahi du Getariako jostunak eraikitako ondarea sakonetik ulertzeko eta ezagutzeko: nondik abiatu zen, zer ekarpen egin zuen bere garaian eta gaur egun zer transmititzen duen erakutsiz".
Martxoaren bukaeran irekiko duten erakusketa horretan egongo denaz ere aurreratu du Getariako museoak: "Haren hastapenetan erreferenteak izan zirenetik hasi eta Parisen sortu zuen azken bildumaraino erakutsiko da. Balentziagaren sortzeko prozesua erakutsiko digute bertan bilduko denak".
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide