Atzo zabaldu zuten Getariako Elkano Musika Eskolako matrikulazio epea, eta bihar arte eman ahalko da izena bertan; 16:00etatik 18:00etara.
Hala, izen-emate berriak, instrumentuen aldaketak edo bajak emateko aukera izango dute ikasleek eta herritarrek. Bertaratu ezin dutenek mezua bidali dezakete getamusika@gmail.com helbidera. Musika eskolakoak edozein zalantza argitzeko prest daude, eta, era berean, izena ematera animatu nahi dituzte herritarrak.
Bestalde, musika eskolako ikasleen entzunaldiak izango dira aste honetan perkusio gelan, 19:00etatik aurrera. Oraindik egunak zehaztu gabe daudela argitu dute musika eskolako kideek. Entzunaldien eta matrikulazioaren gaineko informazio guztia musika eskolaren elanomusikaeskola.net atarian dago ikusgai.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide