Abenduaren 12an, hezkuntza publikoko langileek greba egingo dute "Lan baldintzak hobetu, hezkuntza eraiki" lelopean. Elkartasuna eta babesa adierazteko, Getariako Eskubide Sozialen Kartak elkarretaratzea deitu du egun berean; eta herriko plazan elkartuko dira, 18:30ean.
Getariako eskolako langileei babesa eta elkartasuna erakusteko, elkarretaratzea deitu du Eskubide Sozialen Kartak.
ELA, LAB eta STEEILAS sindikatuek deituta, greba egingo dute hezkuntza publikoko langileek abenduaren 12an; tartean Getariako eskolakoek. Besteak beste, Eusko Jaurlaritzaren hezkuntza inbertsio publikoa handitzea, langileen plantilak handitzea, lanpostuak egonkortzea, bajak bere osotasunean ordaintzea, LOMCE eta Heziberri alde batera uztea eta hezkuntzaren merkantilizazioa geldiaraztea aldarrikatuko dute.
Getariako eskolako langileei elkartasuna eta babesa erakusteko, elkarretaratzea deitu du Eskubide Sozialen Kartak. 18:00etan elkartuko dira, herriko plazan, "Ez dago aitzakiarik: lan baldintzak hobetu, hezkuntza eraiki!" lelopean. Herritar guztiak gonbidatu dituzte elkartasun ekimenean parte hartzera.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide