Hitzaldia emango dute Aleida Guevarak eta Mariela Castrok bihar, Getarian

Bihar arratsalderako hitzaldi berezia antolatu dute Getarian. Izan ere, Che Guevararen alaba eta sendagile Aleida Guevarak, Kubako Sexu Hezkuntzako Zentro Nazionaleko zuzendari eta diputatu Mariela Castrok, Raul Castroren alabak; eta Un Mundu Mejor es Posible fundazioko lehendakari Claudia Cambak parte hartuko dute Kuba egiak eta gezurrak hitzaldian. Getariako hitzaldia bihar 19:00etan Iturzaeta herri eskolako aretoan izango da. Dena dela, aurretik, 17:30ean, Getariako alkateak harrera egingo die hizlariei Getariako udaletxean. Saioa herriko alderdi politikoek, San Prudentzioko Lagunak elkarteak eta Getariako Eskubide Sozialen Kartak antolatu dute.