Pintura tailerrean haurrak margotzen. (Aritz Mutiozabal/Hitza)
Asteazkenean jai eguna izango dela aprobetxatuz Getariako Guraso Elkarteak Pintura Eguna antolatu du haur eta gaztetxoentzat. Goiz eguerdi parteko jaia izango da, eta parte-hartzaileek beren sormena erakusteko aukera izango dute ekimen desberdinen bidez.
Berdura Plazan egingo dute jardunaldia, eta 11:00etan abiatuko dute Pintura Eguna. Hasieran pinturarekin lotutako hainbat tailer egingo dituzte, eta 11:30eak inguruan marrazki lehiaketari hasiera emango diote. Lehiaketarako arkatzak eta orriak Guraso Elkarteak banatuko ditu, baina haurrek margoak eraman beharko dituzte. Lan guztiak 12:30erako entregatu beharko dira, eta 13:00etan izango da lehiaketako sari baneketa. Lehiaketan parte hartu nahi ez duten haurrek, tailerretan jarraitzeko aukera izango dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide