2016ko udal aurrekontu osatzeko herritarrekin bilerak egingo dituzte datorren astean Getarian

Getariako Udal Gobernuko kideek herritarrak prozesuan parte hartzera gonbidatu dituzte. (Getariako Udala) Aurreko agintaldian bezala, Getariako Udal Gobernuak 2016ko aurrekontua osatzeko prozesua parte-hartzailea izatea nahi du. Horretarako Aurrekontua guztion kontua da! lelopean getariar orok udaleko gastuen eta inbertsioen inguruak beren iritzia emateko aukera eskaini du. Hiru bide zehaztu dituzte. Alde batetik, etxez etxe banatu diren fitxak bete eta udaletxe atarian jarriko duten buzoian bota ditzazkete getariarrek. Bestetik, guztiok1@getaria.eus korreo elektronikora ere bidali daitezke proposamenak. Gainera, herritarrei zuzendutako bilera irekiak ere egingo dituzte datorren astean. Getariako Udal Gobernua herritar guztiei luzatu die bileretan parte hartu eta beren proposamenak egiteko gonbita Bilera irekien egutegia: - Azaroaren 23a, astelehena. Hirigintza, zerbitzuak, ingurumena eta turismo arloko bilera 19:00etan udaletxean. - Azaroaren 24a, astartea. Euskara, kirola, ongizatea eta gaztedia arloko bilera 19:00etan udaletxean. - Azaroak 25, asteazkena. Askizu eta San Prudentzio auzoetako herritarrekin bilera 21:00etan Askizuko elkartean. - Azaroak 26, osteguna. Meaga eta Eiza auzoetako herritarrekin bilera 21:00etan Meagako elkartean.