Getariako Gaztetape Surf Elkarteak Surf eta Bodyboard Txapelketa Herrikoia antolatu du astebururako. Hiru modalitatetan lehiatuko dira parte-hartzaileak: surfean, longboardean eta bodyboardean.
Txapelketa honetan parte hartu nahi dutenek larunbatean bertan eman beharko dute izena, 10 euroren truke, 08:30etik 09:00etara Gaztetape hondartzan elkarteak duen lokalean. Prezioaren barruan sartuko da izena-ematea, eta baita surflari bakoitzari banatuko dioten ogitartekoa ere.
Surf elkarteko kideek gogorarazi dute itsasoaren egoeraren arabera antolatuko dutela txapelketa. Txapelketa bukatutakoan, berriz, sari banaketa eta parrillada egingo dute parte-hartzaile guztiek hondartzan.