Adituek azaltzen dutenez, «haurraren bizitzako lehen urteek garrantzia dute norbanakoaren garapenean. Haurrek urte horietan garapen eta bizipen egokiak izateak etorkizunean bizi-kalitate ona izaten lagunduko die». Hain zuzen, gurasoei beren seme-alaben garapenerako ezinbestekoak diren ezagupena azaltzea du helburu Getariako Guraso Eskolak. 0-12 urte bitarteko haurrak dituzten gurasoei zuzendua dago, eta Amaia Vazquez Eguzkitza psikologoa da irakaslea. Besteak beste, hurrengo gaiak jorratzen dituzte: lotura afektiboak eta atxikimendua; agresibitatea; jolasaren garrantzia; norberaren gizarteratzean taldeak duen garrantzia; zerotik hamabi urte bitarteko garapen psikomatikoaren deskribapena; elikadura, emozioak eta lotura psikomatikoak; eta komunikazioa familian.
Guraso Eskolako taldeak seme-alaben adinaren arabera antolatuko dituzte; bat 0-8 urte bitartekoena izango da, eta bestea 9-12 urte bitartekoena. Asteazkenean egingo dituzte saioak Iturzaeta Eskolan; ordu eta erdiko bederatzi saio izango dira denera.
Izena eman nahi dutenek udaletxean edo eskolan aurkeztu behar dute izena-emate orria.