Surfrider Foundation talde ekologistaren deialdiarekin bat egin dute Getariako, Orioko eta Zumaiako hainbat taldek, eta goizean hondartzak eta inguruko haitzak garbitzen jardun dute dozenaka lagunek. Getaria izan da horretan goiztiarrena; Gaztetape Surf Taldeak antolatuta, 10:00etan hasi dira Gaztetape hondartza garbitzen.
Orion eta Zumaian ere herritar ugari hurbildu dira Antilla eta Itzurun hondartzetara; eskuan plastiko poltsa handiekin, inguruko zakarrak jasotzen aritu dira; ondoren, hamaiketakoa egin dute bertaratu direnek.
