Musika banden soinuak nonahi entzun zituzten atzo getariarrek. 17:30erako hasi ziren Sahatsagako plazan doinuak aireratzen Getariako, Tolosako eta Elgoibarko musika bandak. Ondoren, bakoitzak bide desberdina hartu zuen eta kalerik kale aritu ziren piezak jotzen. 19:00etan elkartu ziren, frontoian kontzertua eskaintzeko. Elgoibarkoek pieza bat eskaini zuten Txomin Mujika zuzendariaren gidaritzapean; Tolosakoek bi jo zituzten Luis Mari Garciaren agindupean; eta, azkenik, etxekoak beste bi eskaini zituen, Aitor Uriaren agindupean.