Beste urte batez, Ibarbi sagarra nahiz fruitu horrekin egindako askotariko produktuak izan dira Errezilgo Sagarraren Eguneko protagonista behinenak. Hala ere, arropa, ogia, gazta, barazkiak... denetarik eraman dute ekoizleek gaur, igandea, herriko pilotalekuan egin duten azokara.
10:00etan ireki dituzte Ibarbi elkarteak antolatutako Errezilgo Sagarraren Azokako ateak, eta 14:00ak arte bertako eta sasoiko produktuak erosteko aukera izan dute errezildarrek zein inguruko herrietatik azoka ikustera joandakoek.
Orotara, hamasei postu desberdin jarri dituzte pilotalekuan; horietatik hamabi Errezilgo ekoizleek.