Errezil Bizirik plataformak antolatuta hitzaldiak eta argazki rallya egingo dituzte hil honetan, Errezilen. Ingurumenari lotutako bi hitzaldi izango dira: bata, suari buruzkoa, eta bestea, urari buruzkoa.
Urriaren 15ean, asteazkenez, Aitziber Sarobe biologoak eskainiko du suari buruzko hitzaldia Borondegin. 19:30ean hasiko da Suteak mendian: arrazoiak, arriskuak eta ondorioak izeneko saioa. Lehen hitzaldiaren ondoren, urriaren 30ean izango da bigarrena, hura urari eskainitakoa. Inma Mugertza hidrogeologoak emango ditu orduan azalpenak, Borondegin (19:30); Ingurune karstikoak. Altxor ezkutuak izeneko hitzaldia aurkeztuko du Mugertzak.
Argazki rallya
Hitzaldiez gain, argazki rallya ere egingo dute Errezilen. Urriaren 18an, larunbatez, izango da hitzordu hori. Izen-ematea eta lekuko argazkia Borondegin bertan aurkeztu beharko dira 15:00etatik 16:00etara bitartean. Amaierako kontrol argazkia, berriz, 19:00etatik 20:30era aurkeztu beharko da. Argazki rally orokorraz gain, argazki rally herrikoia egingo dutela ere aurreratu dute Errezil Biziriko plataformakoek.