Errezilen euskara indartzeko ekintza plana egiteko herritarren iritzia jaso nahi dute

Nerea Uranga 2025ko api. 3a, 09:53

Errezil herrirako sarrera. (Maialen Etxaniz)

Errezilgo Udala euskara indartzeko ekintza plana egiten ari da, UEMAren laguntzarekin. Herritarren iritzia jasotzeko galdetegi bat prestatu dute, eta hori betetzeko aukera izango dute apirilaren 16ra bitartean.

Datozen urteetan Errezilen euskara indartzeko ekintza plana diseinatu behar du udalak, UEMA Udalerri Euskaldunen Mankomunitatearen laguntzarekin. Hori egin ahal izateko, herritarren iritzia jaso nahi dute, "herrian euskarak gaur egun duen egoera aztertzeko, ondo egindakoak eta zer hobetuak identifikatzeko eta aurrera begirako lan ildoak zehazteko".

Herritarren iritzia jasotzeko erraz bete daitekeen galdetegi bat prestatu dute, eta hori erantzutera animatu dituzte Errezilgo bizilagunak. Galdetegia lotura honetan aurki daiteke. Herritarrek apirilaren 16ra arte dute galdetegia betetzeko aukera. Behin erantzunak jaso eta aztertu ondoren, maiatzaren 20an UEMAk saio irekia egingo du herritarrekin, eta bilkura horretan jasotako datuak aztertu eta iritziak trukatuko dituzte herritarrekin.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide