Errezilgo Udalaren, UEMAren, Erniarraitz bertsozale elkartearen eta hainbat herritarren ekarpenak bilduta, Euskararen Hilabetea antolatu dute Errezilen. Atzo, igandea, hasi zituzten ekitaldiak Bizkarsoro filmaren emanaldiarekin. Behin filma ikusitakoan, ikus-entzunezkoaren arte zuzendaria den Izaskun Urkijorekin solasaldia izan zuten Borondegin bildutakoek.
Errezilen Euskararen Hilabetearen barruan martxoaren 23ra artean antolatu dituzte ekitaldiak. Hona hemen datozen ekitaldien hitzorduak:
- Martxoak 15, ostirala. Gelatik Plazara gaztetxoen bertso sariketako saioa. 18:15ean, Borondegiko aretoan.
- Martxoak 18, astelehena. Euskararen egoera gaur, zer diote datuek? hitzaldia. Iñaki Iurrebasok hitz egingo du. 18:30ean, Borondegiko aretoan.
- Martxoak 21, osteguna. Hitzak eta Errezilgo tokiko izenak aztertzen, Juan Martin Elexpururekin. 19:30ean, Akertxokon.
- Martxoak 23, larunbata. Errezildarrak elkarrekin Tolosara joango dira Korrikan parte hartzera. Horretarako, 12:30ean elkartuko dira, Goiko Plazan.