Urola Kostako herri askotan bezala, Errezilen ere egin dute santa eskea. San Martin herri eskolako ikasleak atzo, ostiralez, atera ziren koplak kantatzera eta makilak astintzera, usadioari jarraituz. Aurten, Santa Ageda bezpera, otsailak 4, igandez ospatuko da. Hori dela eta, ikasleek astegunez egin zuten santa eskea. Besteak beste, Borondegin, udaletxean, dendan, ikastetxean eta Etxeberrin egin zituzten geldialdiak, eta kopla kantari alaitu zituzten herriko bazterrak.
(Argazkiak: San Martin herri eskola)