I. Leku Ona Kintopeko Idi Sariketa jokatzen hasi ziren Errezilen ostiralean, eta atzo, larunbata, jokatu zuten bigarren idi dema, Errezilgo probalekuan. Iñaki Oliden (Orio), Korta (Gabiria, Gipuzkoa) eta Jon Lekanda (Urduliz, Bizkaia) lehiatu ziren, eta Oliden izan zen nagusi. Hark 44 plaza egin zituen justu, Lekandak 34 plaza eta hiru laurden, eta Kortak, berriz, hamalau plaza.
Bihar, astelehena, jokatuko dute azken proba. Idi sariketako azkenengo egunean, Soartek (Elgoibar, Gipuzkoa), Igone Pagadizabalek (Hondarribia, Gipuzkoa) eta Zornotza anaiek (Zalla, Bizkaia) jokatuko dute proba. Gipuzkoako txapelketarako puntuagarriak dira saio guztiak, eta denak 22:00etan ari dira jokatzen. Idien pisaketak proba egunetan egiten dituzte, 10:00etan.
Sariak
Sariketan parte hartuko duten idizale guztientzako izango dira sariak. Honakoak dira banatuko dituzten sariak:
1- 1.300 euro, mantak eta txapela.
2- 1.200 euro.
3- 1.100 euro.
4- 950 euro.
5- 850 euro.
6- 750 euro.
7- 640 euro.
8- 590 euro.
9- 540 euro.
10- 500 euro.