Tipi Tapa egitasmoko uda aurreko azkenengo irteera egin dute gaur Errezilen, eta dozena bat herritarrek parte hartu dute. Hurrengo irteera irailerako antolatuko dute.
Tipi Tapa egitasmoa Saiaz gizarte zerbitzuetako mankomunitateak antolatzen du, eta hilean behin herrian zehar ibilaldia egiten dute Errezilgo Eguneko Zentrokoek, hainbat herritarrek eta San Martin Herri Eskolako ikasleek parte hartuz. Ibilaldia bukatutakoan, gainera, mokadutxoa egiteko aukera izaten dute.