Eguraldi ederrak lagunduta jende multzoa batu da gaur Hernioren magalean, Zelatunen. Ohiturari segituz, iraileko igandeetako aurtengo lehen erromeria egin dute Zelatungo borden inguruan. Aitziber Arruabarrena eta Haritz Erasun trikitilariek jarri dute musika, eta dantzara animatu denik ere izan da.
Hil honetako datozen hiru igandeetan ere ez da erromeriarik faltako Zelatunen. Honako trikitilariak ariko dira erromeria girotzen:
- Irailak 11: Laja eta Lutxurdio.
- Irailak 18: Ansorregi eta Larrañaga.
- Irailak 25: Izer eta Alabier.
(Argazkiak: Ihintza Elustondo)