Gurutz Agirretxe gidari errezildarra eta Hodei Intxausti kopilotu azpeitiarra hirugarren sailkatu ziren atzo Aramaioko XX. Rallysprintean. Mattin Villaresek eta Jon Zozayak irabazi zuten Arabako lasterketa, eta Gorka Idigoras eta Raul Perez izan ziren bigarrenak.
Ion Albizuri kopilotu azkoitiarrak ere jaso zuen saria Aramaion; izan ere, Jon Zubeldia gidari abaltzisketarra eta bera izan ziren azkarrenak FL mailakoen artean. Aramaioko Rallysprintarekin batera hasi zen, bestalde, I. 206 Euskal Kopa, eta Egoitz Lizarralde eta Leire Odriozola azkoitiarrak bigarren postuan gelditu ziren.