Saiaz gizarte zerbitzuen mankomunitateak Atxondora (Bizkaia) egun-pasa antolatu du biharko Errezilgo, Beizamako, Albizturgo eta Bidania-Goiazko emakumeentzat. Mankomunitatea osatzen duten lau herrietako emakumeak elkar ezagutzeko eta elkarrekin ekimenak egiteko helburuarekin egingo dute irteera. Atxondoko Arrazola auzoko benta bisitatuko dute; bertan dago Amillena emakumeen kooperatiba.
10:00etan abiatuko dira autobusak, Albizturgo, Bidania-Goiazko eta Errezilgo plazetatik igaroz. 11:30ak aldean, Arrazolako bentara iritsita, Amillenaren proiektua ezagutuko dute Saiazekoek. Bertako produktuak dastatzeko aukera ere izango dute. 14:00etan bazkaltzera joango dira, eta 16:30ean, autobusak hartu eta etxerantz abiatuko dira.
Parte hartu nahi dutenek aurretik eman beharko dute izena, saiaz@saiaz.eus helbide elektronikora idatziz edo 646 478 414 zenbakira deituz.