Erniarraitz bertsozale elkartearen Bertso Urtie egitasmoaren barruan, bertso jarri musikatuak entzuteko aukera izan zuten atzo, igandea, Errezilera bertaratutako bertsozaleek. Unai Agirrek, Eñaut Agirrek eta Imanol Kamiok 18:00etan hasita Auskalo zenek jarriak izeneko bertso saio musikatua eskaini zuten atzo, eta jende ugari animatu zen Dantzalekura, bertso saioaz gozatzera. Bertso jarri zahar nahiz berriak baliatuta osatu zuten saioa, kantu hutsa eta musikatua nahastuz.
Erniarraitzen Bertso Urtieren barruan Errezilen egindako bigarren saioa izan zen atzokoa; joan den urtarrileko Bertso Jasa izan zen aurrekoa.