Beizamako eta Errezilgo hainbat herritar agertzen dira Saiaz mankomunitateak argitaratu berri duen bideoan. Elkarteko kideek adierazi dute 2020a "oso berezia" izan dela, eta laguntza sareetan parte hartu duten herritarren adierazpenekin bideo bat osatu dute. Bertan, urtean zehar egindako ekintzak aipatzen dira, besteak beste.
Lau herri txiki osatzen dute Saiaz mankomunitatea: Albiztur, Beizama, Bidania-Goiatz eta Errezil. Elkartearen helburua herri horietako biztanleen ongizatea eta bizi kalitatea hobetzea da, eta hainbat ekintza eta programa gauzatzen dituzte urtero.