Joan zen igandean jokatu zen X. Erniarraitz bertso txapelketaren lehen kanporaketa Errezilgo Borondegi Kultur Etxean. Aurreneko kanporaketa puntutan berdinduta bukatu zen: Maider Arregi oñatiarrak eta Xabat Illarregi leitzarrak 245na puntu lortu zituzten. Epai irizpideen arabera, ordea, Arregik lortu du txapelketako finala jokatzeko txartela. Hirugarren puntuazio onena, 224,5 puntu, Joanes Illarregi leitzarrak lortu zuen; laugarrena, 221 punturekin, Unai Izagirre azkoitiarra gelditu zen; bosgarrena, Sarai Robles barañaindarra, 205 punturekin; eta, seigarrena, 192,5 punturekin, Eder Iturralde errezildarra.
Aurreneko kanporaketaren laburpen bideoa da honako hau. Gaur, asteazkena, gauean eskainiko du Erlo Telebistak X. Erniarraitz txapelketaren lehen kanporaketa osorik, 22:00etan hasita.