Azpeitia eta Errezil arteko errepidea konpondu eta autobus zerbitzua martxan jarri bitartean, taxi zerbitzu berezia jarri du Lurraldebusek. Zerbitzu hori astegunetan, astelehenetik ostiralera, eskainiko dute UK02 (Azkoitia-Azpeitia-Errezil-Bidania-Goiatz-Albiztur-Tolosa) autobus zerbitzuarekin lotura bermatuz. Taxi zerbitzu hori erabili ahal izateko, ordea, aurrez eskaera egin beharko da 900-30 03 40 telefono zenbakira deituta (doako telefonoa da). Eskaera egiteko ordutegia 08:00etatik 20:00etara artekoa da. Goizeko lehen orduko autobusaren ordezko taxi zerbitzua eskatzeko bezperan deitu beharko da, eta bestela autobusa jatorritik irten baino 90 minutu lehenago.
Azpeitia eta Errezil arteko errepidea moztuta dago azaroaren 19tik, bide zati bat hondatu egin zelako. Ordutik, autobus zerbitzua etenda dago. Errepidea konpondu eta autobus zerbitzua berriro martxan jarri bitartean, taxi bidezko zerbitzua eskainiko du Lurraldebusek.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide