Espainiako Kongresurako eta Senaturako hauteskundeen zenbaketak hasi dituzte jada herri guztietan. Errezilen, Kongresurako botoen kasuan, EH Bilduk lortu ditu boz gehien; 214. Bigarren alderdi bozkatuena, EAJ izan da 97 botorekin. Horien atzetik, Elkarrekin Podemos izan da bozkatuena, 12 boto eskuratuta. PSE-EE, PP eta Aulki Zuriak alderdiek boto bana eskuratu dute, eta boto baliogabe bat zenbatu dute.
Errezilen 439 pertsona zeuden bozkatzera deituta, eta horietatik 327k eman dute botoa. %74,59ko parte hartzea izan da, beraz, %25,21ekoa izan da abstentzioa.
2016ko Kongresurako hauteskundeetan ere EH Bildu izan zen lehen indarra Errezilen, 157 botorekin. Bigarren, EAJ izan zen 62 botorekin. Elkarrekin Podemosek 14 boto jaso zituen orduan. %52ko parte hartzea izan zen hauteskunde hauetan.