Lagun Onak Txirrindulari Elkarteak antolatuta Urrakiko Igoeraren XLIX. edizioa jokatu da gaur arratsaldean, 15:30ean Azpeitiko anbulatorio aurretik irtenda. 187 txirrindularik parte hartu dute lasterketan. Urrakiko gainera iristen aurrena Marc Buades (Telcom Gimex) txirrindularia izan da; 03:10:21 denboran bukatu du proba. Haren atzetik, denbora berdinean helmugaratu dira bigarren Mikel Mujika (Eibar Energia) eta hirugarren Oier Lazkano (Caja Rural). Taldeka Caja Rural-RGA izan da onena.
Azpeitiko anbulatorio aurretik irten eta 117 kilometroko ibilbidea egin dute txirrindulariek, eta Zestoako, Iraetatik, Aizarnazabaldik, Zumaiatik nahiz Errezildik igaro dira, Urrakiko gainean buktuz. Euskalduna Torneoaren barruko proba izan da gaurkoa.