Asteburuan ospatu dute Errezilen Emakumearen Nazioarteko Eguna. Hiru belaunalditako andreak bildu ziren larunbatean, eta denerako tartea izan zuten: hausnarketak, hizketaldiak, musika eta mokadua. Arratsaldez, hamazazpi emakumek "harremanez, lanaz eta familiaz" hitz egin zuten, kafearen bueltan. "Ateraldi politak irten ziren, eta aurrerantzean ere halako bilguneen beharra badagoela ondorioztatu dugu", azaldu dute.
Afaltzen, berriz, 26 lagun izan ziren Letea jatetxean. Afal aurretik Borondegin, eta afalondoan Letean, Uxue Alberdiren
Konplize ditut eta bertsoak abestu zituzten, dagoeneko Errezilen ohitura bihurtzen ari den bezala. Lorea Rueda eta Irati Urdalleta soinu eta pandero joleen laguntza izan zuten.
