30 kanaerdiko apustua bota du, eta prest dago desafioa edonori jokatzeko. Halere, Larretxea lehenetsiko du.
(E. Albizu Lizaso)
Xabier Orbegozo Arria V.ak erronka berria bota du. Honakoa da lana: 30 kanaerdi, egurra errezildarrak berak jarrita. Gaur, ostirala, Errezilgo Letea jatetxean egongo da aizkolaria, 20:00etatik 21:00etara, nor agertuko zain. Donato Larretxea nafarrari egin dio gonbidapena, baina prest dago beste edozein aizkolariri desafioa onartzeko. Arria V.ak esan du "arantza bat" duela, azken apustuak galdu ostean: "Mundu honetan jarraitzeko gogoa dut, eta aukera izan daiteke erronka hau arantza hori kentzeko". Galtzen badu,"mina handiagoa" izango dela azaldu du, baina "arriskatzeko" prest da errezildarra.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide