Egun gutxitan bi lurrikara izan dira eskualdean. Zapatuan, Azpeitia eta Errezil artean Ritcher eskalan 1,5 graduko lurrikara zenbatu zuen Espainiako Geografia Institutuak; eta oraingoan, Beizaman eta Itsasondo (Gipuzkoa) artean izan da. Atzo, asteazkena, 15:34ean izan zen seismoa, eta epizentroa Itsasondon izan bazuen ere —Beizama eta Itsasondo mugako herriak dira—, Beizamako lurretan ere sentitu ahal izan zuten lurrikara. Ritcher eskalan hiru graduko lurrikara izan zen, eta 21 kilometroko sakonera izan zuen. Honako lotura honetan agertzen da lurrikararen informazio guztia.
Espainiako Geografia Institutuak azaldu duenez, 15:34ean izan zen lurrikara. Hiru gradu izan zituen Ritcher eskalan, eta 21 kilometroko sakonera.
Lurrikararen epizentroa Beizama eta Itsasondo artean izan zen. (Espainiako Geografia Institutua)
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide