65 boto lortu ditu Aurrena Beizama Bai herri plataformak, eta PSE-EEk ez du botorik eskuratu, beraz, Pedro Otaegi izango da Beizamako hurrengo alkatea gehiengo osoarekin; jokoan zeuden udaleko bost jarlekuak herri plataformarentzat izango dira. Udal, foru eta Europako hauteskundeetarako 114 herritar zeuden boza ematera deituta, eta horietatik 65ek eman dute botoa, hau da, herritarren %53,51k.
Foru hauteskundeetan, EH Bildu izan da garaile 40 botorekin; EAJ izan da bigarren 31 bozekin; Elkarrekin Podemosek lau boto lortu ditu, PPk bat eta boto zuri bat egon da.
Europako hauteskundeetan ere EH Bildu-Orain Errepublikak izan da bozkatuena, 37 boto lortu ditu; bigarren alderdirik bozkatuena EAJ izan da 31 botorekin; Elkarrekin Podemosek lau boz eskuratu ditu, Berdeek hiru eta PPk bat.