Beizaman, 114 pertsona daude udal, foru eta Europako hauteskundeetarako botoa ematera deituta, eta hainbat herritarrek dagoeneko eman du botoa herriko hauteslekuan. Aurrena Beizama Bai plataformako zerrendaburuak, Pedro Otaegik, 12:30ean eman du botoa. PSE-EE alderdia ere aurkeztu da Beizamako udal hauteskundeetara, baina zerrendaburua ez da Beizamako bizilaguna. Normaltasuna nagusitu da Beizaman goizean zehar, eta ez da botoa emateko arazorik izan.
Gaurko hauteskundeetako parte-hartze datuak 14:00etan eta 18:00etan emango dituzte, eta 20:00etan itxiko dituzte hauteslekuak.
Pedro Otaegi (Aurrena Beizama Bai) botoa ematen.