Udaleku irekiak hasi aurretik, ikasturteari bukaera berezia emango diote udal ludoteketan eta Gaztelekuan. Txikienentzako Xalto Xaltuek egitasmoa antolatu dute ludoteketatik, eta gaur, bihar eta etzi egingo dituzte ekintzak. Saioetara haurrek guraso edota tutore batekin joan beharko dute, eta haien ardurapean egongo dira. Ludoteketatik herritar guztiak gonbidatu dituzte saioetan parte hartzera.
Txupinazoa botata hasiko dituzte gaur, astelehena, Xalto Xaltuek, 17:30ean, Jose Antonio Agirre plazan. Suziria bota ondoren, jolasak eta txokoak izango dira, 19:00ak bitartean. Bihar, asteartea, 17:30ean, Jose Antonio Agirre plazan bingoan jolastuko dute, eta ekainaren 10ean, 17:30ean hasita, leku berean, Axpin, Antolin eta Carmelin pailazoen ikuskizuna izango da.
Gaztelekuan, aste berezia
Ludoteketan bezala, Gaztelekuan ere aste berezia izango dute. Bihar, asteartea, Iago Magoren ikuskizuna izango dute; asteazkenean, ekainaren 10ean, ping-pong txapelketa jokatuko dute, eta ostegunean, ekainaren 11n, ikasturtea bukatzeko bazkaria eta bingo musikatua egingo dituzte. Ekintza berezi horietan parte hartzeko aldez aurretik izena eman beharko dute gaztee, Gaztelekuan bertan.