Gaur goizean aitzurra igo, txupinazoa bota eta sanisidroak hasi dituzte Aratzerrekan. Euria goian behean eta tenperatura freskoarekin egin dituzte eguerdira arteko San Isidro eguneko ekintzak. Hamaiketakoa egin dute aurrena, eta gero, meza izan da auzoko elizan Urrestillako parrokiako korukoek abestuta. Meza bukatutakoan, herri kirol erakustaldia eskaini dute Olaia Esnaola eta Irati Osinalde harri jasotzaileek eta Mikel Larrañaga eta Julen Alberdi Txikia IV.a aizkolariek.
San Isidro eguneko ekintzak gaur iluntzean egingo duten auzo afariarekin eta trikitilariekin bukatuko dituzte. Igandean segituko dute sanisidroetako ekintzek Aratzerrekan.
Gaur, ostirala:
- 20:30. Auzo afaria, trikitilariekin.
Maiatzak 17, igandea:
- 16:30. Iagomago.
- 17:30. Ume jolasak.
- 18:30. Merienda.
- 20:00. Aitzurraren jaitsiera.