Ehunmilak Bira etapaz etapako egitasmoaren laugarren etapa antolatu du Lagun Onak mendi bazkunak maiatzaren 23rako. Lizarrusti eta Otzaurte lotuko dituzte mendizaleek, alegia, Aralarreko eta Aizkorriko natur parkeak. "Antzinaroko aztarnak eta baso ederrak aurkituko ditugu ibilbidean zehar", aurreratu dute Lagun Onak MBkoek.
Egun osoko ibilbidea izango da Lizarrusti eta Otzaurte artekoa, eta hogei kilometro eta mila metroko desnibela ditu. 07:00etan irtengo dute mendizaleek anbulatorio aurretik.
Irteeran parte hartzeko izena maiatzaren 21a, osteguna, baino lehen eman beharko da. Lagun Onak MBko bazkideek 15 euro ordaindu beharko dituzte eta bazkide ez direnek 20 euro. Diru hori Lagun Onak MBren kontu korrontean –Rural Kutxa: ES05 3008 0152 64 5416695822– sartu beharko da, norbere izen-abizenak azalduta. Gero, ordainagiria lagunonak.ibilaldiak@gmail.com helbide elektronikora bidali behar da.