Zeramika esperientzia "berezia" eskainiko dute larunbatean Arte eta Diseinu Ikastegian. Izan ere, zeramika pieza propioa sortu bitartean, azala modu kontzientean zaintzen ikasteko aukera ere egongo da, goi mailako teknologiarekin sortutako kosmetika %100 naturala ezagutuz eta probatuz. Saioa 10:00etatik 13:00etara bitartean egingo dute.
Ikastarorako tokia mugatua dela adierazi dute ADIko arduradunek, eta izena Arte eta Diseinu eskolan edo 688 75 18 87 telefono zenbakira deituta eman beharko da, 35 euro ordainduta. Ikastaroak iraun bitartean, mokadutxoa egiteko aukera ere izango dute parte hartzaileek.