Laburbira euskarako film laburren zirkuituko filmak ikusi ahal izango dira bihar, asteazkenez, 19:00etatik aurrera, Soreasu antzokian. Zirkuitu horren XXIII. edizioko lanak eskainiko dituzte han. Bertaratu nahi dutenek Kulturaz kooperatibaren webgunean eskura ditzakete film laburrak ikusteko sarrerak.
Olentzerori eskatu nion (Amaia San Sebastian), Erreka zoko hortan (Ekain Bertiz), Fishy (June Asua), A-Maniki (Elixabet Nuñez), Geratzen den hori (Aitor Gametxo), Orain zer? (Ainhoa Urgoitia), eta Hortzikara (Ane Cuesta) film laburrek osatzen dute Laburbiraren aurtengo edizioa. Lan horiek denak emango dituzte biharko emanaldian.