Espainiako Taldekako Mus Txapelketa jokatu dute asteburuan Ponferradan (Espainia), eta Dani Garcia azpeitiarraren Langostinos taldeak irabazi du lehia. Museko bost bikote lehiatu dira talde irabazlean: Garciarekin Peritzak osatu du bikotea, eta Patax eta Iparre, Gorka eta Inhar, Josu eta Paul nahiz Beñat eta Aginaga bikoteek osatu dute taldea.
Musean hamabi txanda jokatu dituzte irabazleek, eta horietatik hamaika irabazi dituzte, hasieratik aurreneko postuan kokatuz. Halaber, Garcia laugarren postuan geratu da sailkapen orokorrean, 2.072,20 punturekin.
Orotara bosna bikotez osatutako 45 talde aritu dira txapelketan lehian, 450 bat mus jokalari.