Atzo eta gaur tailer eta ikastaro bana egin dituzte hainbat lagunek Ekoetxean. Atzo Garbiñe Larreak gidatuta, gorputzerako produktuek osasunean eta ingurumenean duten eraginari buruzko saioa egin zuten; hara joandakoek izei ukendua nola egin ikasteko parada eduki zuten.
Gaur, ostera, Itsasoa: ekosistema aberatsa izenburupean, sormen tailerra egin dute hainbat gaztetxok. Material hainbatekin marmokak eta koralak egin dituzte 6 urtetik gorako partaideek.
Datorren larunbatean, berriz, Elikagaien hondakinak: ekoizpenetik etxeko sukaldera izeneko tailerra eskainiko du Aitziber Aizpuru nutrizionistak. Saioan parte hartu nahi dutenek honako lotura honetan dute horretarako aukera.