Domusa Teknik 40 MLK lasterketaren antolatzaileek sustatuta, emakumeei zuzendutako laugarren entrenamendu saioa egingo dute hilaren 21ean, larunbatez, Azpeitian. Joma taldeko Ainara Uribarri oñatiarraren gidaritzapean osatuko dute partaideek ibilbidea. Laugarren irteeran, 20 kilometro inguruko saioa egingo dute Arauntza eta Izarraitz mendien artean, igerilekutik 08:30ean abiatuta.
Irteeran parte hartzeko hilaren 19a baino lehen eman beharko da izena honako formularioa beteta. Igerilekuan dutxa hartzeko aukera izango dute irteeran parte hartzen dutenek, baita irten aurretik motxila bertan gordeta uzteko aukera ere. Irteeran parte hartzen dutenen artean, gainera, zozketak egingo dituzte.