Olio birziklatua erabiliz, xaboi solidoak, likidoak, xaboi hautsak, arropa leungarriak, arropa garbigarriak, ontziak garbitzeko xaboia... egiten ikasteko tailerra eskainiko dute igandean, hilaren 18an, Ekoetxean. Haurrei zein helduei zuzendutako ikastaroa izango da, eta Aiora Urbietak gidatuko du.
Bi orduko saioa izango da, 10:30etik 12:30era.Tarte horretan, xaboi ekologikoa egiteko argibideak emateaz gain, produktu kimikoek eguneroko bizitzan duten eraginen inguruan hitz egingo du Urbietak. Produktu horien ordez, platerak, arropa, lurzorua eta gorputza garbitzeko ingurumena errespetatzen duten alternatibak eskainiko ditu.