Gaztaina Erre Eguna izan zuten atzo, larunbatez, Urrestillan, eta ohiko moduan, gaztainez gain, "familia osoarentzako ikuskizuna" izan zen pilotalekuan.
Iagomago izan da aurtengo ikuskizunaren protagonista. Txikuri pilotalekuan egin zuen emanaldia mago azpeitiarrak, 18:00etan hasita. Magia ikuskizuna bukatzerako prest zituzten plazan tokian bertan danbolinetan erretako gaztainak, frontoian elkartutakoek zein gainerako herritarrek dastatzeko. Guztira, 30 kilo gaztaina erre zituzten urrestildarren sabelak goxatzeko.