Gaur, San Martin egunean, hasi dituzte Azpeitiko egoitzakoek San Martin Asteko ekintzak. Meza izan dute goizean, eta elizkizuna bukatutakoan bota dute txupinazoa. Ospakizun hastearen hasieran Nagore Alkorta alkatearen bisita ere jaso dute egoitzako bizilagunek. Arratsaldean, 17:00etan hasita, Lory Thomsonekin kafe tertulia izango da egoitzan bertan.
Larunbatera arte egunero izango dute ekitaldi bereziren bat San Martin egoitzan, bingoa, bertso eta musika saioak izango dituzte, besteak beste. Larunbatean, familiako kideekin eta lagunekin batera ospatuko dute Familien Eguna. Hamaiketakoa eta trikitilarien saioa izango dituzte.
Hona hemen San Martin asteko egitaraua:
Bihar, asteazkena
- 11:00. Gurutze Gorrikoei eskertza ekitaldia eta Juan Antxieta musika eskolakoekin musika terapia.
Etzi, osteguna
- 11:00. Bertso zaharren kantaldia Eguzkitzerekin.
Ostirala, azaroak 14.
- 11:00. Euskal Herriko proiektuaren ekitaldia, Iraurgi ikastetxekoekin.
Larunbata, azaroak 15. Familien Eguna.
- 11:30-12:30. Familiakoekin luntxa.
- 11:30-12:30. Juan Antxieta musikako Unai eta Imuntzo trikitilarien saioa.